← НАЗАД НА БОЗА

Посна тестенина со модар патиџан

Посна тестенина со модар патиџан
62 Читања

Ова италијанско јадење е посно, и ќе ве воодушеви со аромата и вкусот!

Ви претставиме рецепт за посен италијански специјалитети  “pasta ala Norma”. Вкусна е и заситува, а со оглед на тоа што не содржи состојки од животинско потекло, може да ја подготвите во деновите кога е дозволено да се користи масло во подготовка на храната.

Состојки:

600 грама модар патлиџан

400 грама тестенини без јајца

Конзерва со пире од домати (околу 400 грама)

Три чешниња лук

Три средни домати

1 литар супа од зеленчук во коцка

Свеж босилек

Маслиново масло

Сол, бибер

Подготовка:

Измијте го модриот патлиџан, исечете му ги краевите и исечете го на коцки со средна големина. Во еден поголем сад, ставете вода за тестенините да се варат, а во друг супата од зеленчук, а кога ќе зоврие, ставете ги коцките од модриот патлиџан. Гответе го патлиџанот околу осум минути, а потоа процадете го.

Во поголема тава, загрејте го маслиновото масло и испржете го ситно сецканиот лук. Додадете го исцедениот модар патлиџан, доматното пире и доматите исечени на коцки, насолете и забиберете и оставете да се вари на тивок оган. Кога водата за тестенините ќе зоврие, ставете ги тестенините, потоа посолете и варете според упатството на пакувањето.

Процадете ја тестенината, вратете ја во садот, додадете го сосот и посипете со свеж босилек.

Коментари

© 2011 boza.mk | Дизајн - element.mk