← НАЗАД НА БОЗА

Што да се купи на подарок за дете од 12 месеци

Што да се купи на подарок за дете од 12 месеци
117 Читања

Подарок за бебе од една година за многумина претставува кошмар. Време е да дознаете што сакаат бебињата на таа возраст, а да не е скапо.

Често сме во дилема околу купувањето на подароци, а најмногу од сè не „мачи“ што да им купиме на децата. Децата брзо ги менуваат своите интереси, во согласност со развојот, а најтешко им е на оние кои сѐ уште не станале родители.

Во суштина најлесно е да купите гардероба, бидејќи овде не можете да направите грешка, но – тоа не му значи многу на детето.

Затоа, ако сакате на вашиот подарок детето да се сеќава и да го користи, а да не биде премногу скап, еве неколку играчки кои сигурно ќе го воодушеват бебето.

  • Меки коцки со кутија со отвор

Меки коцки со кутија која има отвор ќе го привлече детето одново и одново. Децата од 12 месеци па натаму, едноставно ги откриваат формите, сакаат предметот пред нив да „исчезне“ и да го бараат. Има многу такви играчки на нашиот пазар, а нивната цена не е толку висока.

  • Книга со тврди листови, со животни / книга што ги имитира звуците на животните

Детето ќе ужива кога ќе го впери прстот кон животното што го гледа во книгата, а вие ќе го имитирате звукот. Одлична игра која ќе ве приближи до детето, но исто така и детето со книгата.

  • Играчки на навивање

Играчки кои ќе ги навиете, а потоа тие се движат по подот се вистински извор на забава!

  • Балони

Верувале или не – но балоните воопшто не се лоша идеја за подарок. Кога ќе ги надувате, детето ќе си игра со нив, воодушевено, бидејќи може да лебди над вашата глава.

  • Сет за правење на балони од сапуница

Каква возбуда. Оваа подарок е неверојатен извор на забава. Децата ќе уживаат во фаќање на меурчињата, а кога ќе ги пукнат и ќе исчезнат пред нивните очи, ќе следи вистинско изненадување.

Коментари

© 2011 boza.mk | Дизајн - element.mk