Понекогаш татковците се збунуваат поради било какви промени што се случуваат со мајката за време на бременоста, особено по породувањето.
Тогаш телото на жената се враќа во „нормала“, и со тоа доаѓаат последиците што мажите понекогаш не можат да ги разберат.
Ова се некои од советите за татковците по породувањето:
- Мајките секогаш ги фотографираат децата со своите татковци или со други деца. Направете и мајката да има спомени со децата, а да не се селфи. Само фатете го моментот со децата и сликајте.
- Не чекајте мајката да побара помош. Променете ја пелената додека таа спие или прави нешто друго. Ставете ги валканите алишта во машината за перење или чувајте го бебето додека вашата жена или девојка се тушира.
- Ако мајката на вашите деца излезе, а вие останете дома, не кажувајте дека сте „заглавени дома со чување на деца“. Кога станува збор за чување на вашите сопствени деца, тоа не е чување на децата, тоа значи да се биде родител. Вие не заслужувате посебна пофалба за грижата за своите деца.
- Ако не се снаоѓате во чувањето на вашите деца, пронајдете начин да и помогнете во домашните работи.
- Повеќето мајки чувствуваат дека треба да направат се за своето дете. Кажи ѝ дека ќе го земете детето некое време за да може да се одмори. Не чекајте да побара помош. Често мајката сака помош, но не сака да праша, а таткото сака да помогне, но не сака да се меша.
- Вие сте еднакво важни и потребни како мајката. Можеби не се чувствувате така, но тоа е вистина. Направете вечера, исперете ги алиштата, исчистете, прегрнувајте го бебето, хранете го, наполнете му ја душата.
- Мајката можеби нема да сака сексуален однос некое време. Тоа се случува и тоа е сосема нормално. И тоа не зависи од вас. Бидете трпеливи и полни со разбирање.
- Искористете го целото свое слободно време за семејството. Мора да бидете со нив. Не го трошете тоа време на други.
- Не очекувајте готвено секој ден. И вие можете да подготвите нешто, дури и обичен сендвич ќе помогне да не мисли дали сте останале гладни тој ден.
- Нејзините хормони ќе бидат уште полоши по бременоста. Не треба да очекувате да престанат на денот на раѓањето. Бидете разумни, и помогнете и.