Заздравување со природата
Студијата направена во 2009 година од страна на психологот Нета Вајнштин од Универзитетот во Рочестер, покажа дека само гледањето фотографии од природа предизвикува чувство на заедништво и поврзаност меѓу луѓето.
Имено, Нета и нејзиниот тим им покажаа на две различни групи испитаници, различни фотографии – на едната група фотографии од градовите, а на другата фотографии од природа, а потоа ги праша за нивните животни цели.
Истражувањето покажало дека група испитаници на кои им биле прикажане фотографии од пејзажи имаат помалку себични и искористувачки цели и идеи.
Моменти посветени на планетата
Бројни сигнали, како што е глобалното затоплување, топлотните бранови, недостигот на вода, поплавите, уништувањето на шумите и други природни катастрофи, испраќаат сериозна порака до човечкиот вид дека треба да се заштити дивиот свет и загрозените растенија, како и почвата која се повеќе се загадува.
Со цел да се подигне свеста за животната средина и да се зачува биолошката разновидност, постои и веб-страницата на организацијата Волонтерски свет (Volunteer World), која ги поканува сите заинтересирани луѓе од целиот свет да поминат време на најинтересните дестинации (Бахами, Непал, Нов Зеланд, Куба …) и да се занимаваат со органско садење, нуркање за научни цели, чистење на плажите од ѓубре, итн.
Сите заинтересирани можат да волонтираат, а повеќе детали може да се најдат на www.volunteerworld.com
Помогнете им на пчелите
Долго време е познато дека пчелите се загрозени и дека голем број видови изумираат. Намалувањето на различноста на пчелите и нивниот број би имало исклучително негативно влијание врз функционирањето на природниот свет околу нас.
Ако ги сакате и сакате да ги зачувате овие убави и фасцинантни суштества од истребување, еден начин да го направите тоа е преку бесплатна апликација, која можете да ја преземете од веб-страницата „Пријатели на Земјата“ (www.friendsoftheearth.uk).
Оваа апликација содржи упатство за идентификување на пчелите, обезбедува инспирација за садење растенија што одговараат на пчелите, но и едноставни и корисни совети за тоа како да се прилагодат живеалиштата за пчелите што опрашуваат.