Вкусите се бесконечни, а наша задача е да ги откриваме одново и одново. Овие 4 вкусови ќе ги разбудат сите ваши сетила.
Дали сакате чаша кафе со печурки?
Нов тренд што станува се повеќе распространет во многу земји е кафето од печурки. Оваа необична комбинација, која станува се повеќе популарна во светските кафулиња, дава многу здравствени придобивки.
Како прво, вкусот е многу сличен на класичното кафе, иако има помал процент на кофеин и киселост, а е подготвен од зрна кафе, кои содржи одредени видови на лековити печурки, како што е реиши.
Само некои од придобивките од овој нов пијалок се благотворното влијание врз имунитетниот систем заради изобилството на антиоксиданти од печурки, го намалуваат холестеролот, а исто така е забележано и стимулирање на процесот на слабеење.
Кандирани ливчиња од роза
Изненадете ги вашите гости со уникатен десерт – кандирани ливчиња од роза. Цвеќињата што се јадат имаат освоено многу ресторани и кујни, а сега е вистинската можност да ги пробате овие слатки.
Земете цели, неоштетени ливчиња од богато процветана роза. Претходно изматете една лажица вода и една лажица белка од јајце. Користејќи четка, премачкајте ги ливчиња со оваа смеса и посипете ги со кристален шеќер. Ставете ги на хартија за печење и оставете ги да се исушат следните 24 часа.
Лечи и лади
Ако изгорите на сонце, разладувачката маска за изгореници ќе го забрза процесот на регенерација. Сè што ви треба е една излупена краставица, четвртина чаша гел од алое и едно изгмечено авокадо. Направете паста од состојките и изладете ја 15 минути во фрижидер, а потоа нанесете ја на подрачјето каде што имате изгореници од сончање. Одморете половина час со маската, а потоа исплакнете ја.
Мирисливо растение
„Кој јаде ким, никогаш нема да добие мозочен удар“. – вели изрека од народната медицина. Кимот не само што го подобрува варењето, работата на цревата и ги намалува гасовите, туку помага и во лекувањето на астмата, ги намалува срцевите отчукувања и ја стимулира работата на стомакот.
Сепак, бидете внимателни ако имате птица како домашно милениче, или сакате да храните диви птици. Само едно семе од ким може да биде смртоносно за нив.