Без оглед колку квадратни метри ви се достапни, тоа не е изговор да ја спречите инспирацијата на вашиот дизајнер на ентериер!
Ова е особено точно кога станува збор за кујни, простор што треба пред сè и најзначајно да биде функционален.
Следува список на предлози што ќе ви помогнат да ги претворите вашите соништа во реалност на едноставни начини.
Backsplash плочки
Поради тоа што целиот ѕид е покриен со необични плочки, малиот простор во кујната може да изгледа пренатрупан, но мала количина на впечатливи плочки ќе имаат поумерен ефект. Овие примери од Heath Ceramics привлекуваат внимание на одредена област, додека остатокот од „празниот“ бел простор ја прави просторијата да изгледа светла и пространа.
Едноставност
Помалку е повеќе кога станува збор за уредување на мала кујна, а кујната на Aimee Song е идеален пример за минималистички дизајн. Нежната зелена боја во комбинација со мермерните површини е сама по себе statement избор, но исто така е доволно поедноставена за да се направи просторијата да изгледа елегантно и чисто.
Зошто да не висат?
Ефикасното користење на просторот е исклучително важно кога опремата за готвење треба да се складира во мал простор. Затоа висечката полица за складирање е совршено решение, а воедно претставува неочекуван stylish детаљ.
Црното никогаш не излегува од мода
Ако имате многу природна светлина и големи прозорци, црните елементи со акцент на темно дрво и црвени тули ја прават кујната топло место за разговор и уживање додека голема количина светлина дава впечаток дека просторијата е поголема отколку што изгледа.
Медитеранска
Избор на светла боја за мала кујна е паметен начин да се одлучите за специфичен стил и да создадете посебна атмосфера. Нашиот омилен предлог е медитеранска сина комбинирана со бела и детали од природни материјали.
Осветлување
Добро поставената светлина значи дека кујната може да изгледа попространа отколку што е навистина, затоа истражете кое место би било добро за осветлување (а да не е од таванот) и сигурно ќе го решите проблемот!
