Ако сте почувствувале желба или потреба да ја реновирате вашата бања оваа пролет, целосно ве разбираме…
Честопати, бањата е една од најчесто заборавените и запоставени простории, која се смета за чисто функционална. Меѓутоа, како што веќе знаете, ако ѝ посветите внимание, бањата многу лесно добива нови димензии и станува наше место за криење од реалниот свет. Новиот дизајн на марката Scarabeo, потпишан од Studio Tecnico, ќе го привлече вашето внимание со својата суштинска елеганција, како вистинска „Дива“.
Оваа нова колекција претставува софистицирана визија со повеќе скриени квалитети што можете да ги откриете сами. „Дива“ е нов концепт на мебел за бања од марката Scarabeo, кој совршено ја комплетира колекцијата на мијалници од еклектичната Moon колекција. Асортиманот содржи различни видови фигури кои се карактеризираат со рафинирана душа и дарежливи димензии. Пријатниот контраст помеѓу ширината на мијалниците и софистицираноста на нивните рабови е главниот детаљ на оваа колекција, а се појавува и во Moon колекцијата. Цилиндричната метална рамка дополнително го потенцира импресивното присуство на мијалникот со силна привлечност, создавајќи идеална хармонија на форми.
Колекцијата „Дива“ може да го најде своето место во најразлични поставки, а достапна е и со три метални завршетоци – мат црна, сива и сива гулаб боја. Полиците и фиоките ги нудат своите функционални решенија во дрвените есенции на Alpaca, Cesio Verde, Macassar, Rovere Brizzo и Rovere Nodato. Полиците се достапни и со опција за емајлирана керамика со Pearl, Slate Grey, Lava, Ash, Tobacco, Sand, Matt Blue, Matt Rose и Matt Gree завршни детали.
На крајот, можеме да кажеме дека „Дива“ е динамичен, софистициран предлог кој претставува совршено дизајнерско решение за сите типови бањи, дури и на оние со ограничен простор.
Тоа е ефикасен дизајнерски систем полн со аксесоари, кој елегантно ги толкува нашите wellness потреби.
