Оние што сакаат да се релаксираат и да уживаат во независна ароматерапија додека не помине опасноста од корона вирусот, имаат причина да се радуваат …
Со цел да се олесни периодот на самоизолација и одржување на социјална дистанца, славната марка Dolce & Gabbana, скоро претстави колекција на миризливи свеќи, исполнети со ароми на Италија. Инспирирана од своето сицилијанско наследство, славната марка лансираше свеќи кои содржат свежи ноти на нероли, јасмин, темјан и многу повеќе.
Колекцијата се состои од шест различни свеќи – ll Nostro Giardino, Pino Mediterraneo, Neroli, Gentiluomo, Incenso и Alloro – од кои секоја доаѓа во керамичка вазна, коија е рачно создадена и насликана од уметници од Калтаџироне.
Егзотичната свеќа Il Nostro Giardino содржи ноти од роза, цитрус и гераниум, Neroli има мирис на цвет од јасмин и портокал, додека Incenso содржи силни и смирувачки ноти на темјан. Покрај тоа, свеќите Gentiluomo и Pino Mediterraneo имаат горни ноти на тропско овошје и пикантен цитрус, бор и мајолика.
Бидејќи сè уште не сме во можност да ја посетиме Сицилија и да ги почувствуваме сите нејзини убавини во живо, овие свеќи секако можат да ни помогнат да го поминеме претстојниот период. Можеме слободно да кажеме дека тие го претставуваат италијанскиот La Dolce Vita, во фантастично пакување кое може да го понесете со себе!
