Брзите и здрави бомбици во комбинација на зеленчук и суво овошје секогаш се идеален избор како природен извор на витамини А, Б, Е, кои го зајакнуваат имунитетот и обезбедуваат заштита од инфекција.
Состојки (за 20 бомбици):
- 2 децилитри млеко од бадеми
- 2 помали моркови
- ¼ шолја печени бадеми
- ¼ шолја семки од сончоглед
- ¼ шолја сушена брусница
- ¼ шолја суво грозје
- ¼ шолја кокосово брашно
- 4 урми
- За мерката, можете да изберете чаша за јогурт (приближно 2 децилитри).
Подготовка:
Измешајте ги сите состојки во блендер. Од смесата, формирајте топчиња со саканата големина и ставете ги накратко во фрижидер за да се зацврстат. Овие примамливи и сочни бомбици можете да ги чувате во фрижидер до 4 дена.