Време е за јагоди – округли, миризливи, слатки црвени плодови кои ги обожаваат големите и малите.
Веќе изедовте многу од нив, и направивте неколку десерти за себе или за вашите малечки.
Сега е време да направиме нешто „само за големите“ – ликер од јагоди!
Ви претставуваме едноставен рецепт за сладок пијалок. Свежиот ликер од јагоди сигурно ќе биде хит на секоја забава, а исто така е и феноменално вкусен. Покрај тоа, овој специјалитет е навистина лесен за правење и не бара никаква експертиза.
Потребно е малку време за ликерот да „созрее“. Потоа е вистински мелем за непцето…
Состојки
- 500 гр свежи јагоди
- 250 гр кандиран шеќер
- по желба: 1 лажичка коријандер – кој не сака коријандер, едноставно може да го изостави
- рендана кора од органски лимон
- 1 л бел рум (алтернатива е темниот рум)
Подготовка
1. Измијте и исчистете 500 гр јагоди.
2. Ставете ги во стаклена тегла со капак јагодите заедно со 250 гр кандиран шеќер, 1 лажичка коријандер и рендана кора од лимон (претпазливост, лимонот не треба да е прскан!).
3. Потоа додадете 1 литро бел рум.
4. Нека зрее 4-5 недели. Најдобро е да ја оставите теглата на сонце (на прозорецот). Повремено протресете ја.
5. По зреењето, исцедете ја течноста преку ситна цедалка и филтрирајте низ газа. 6. Ставете го ликерот во шишиња и оставете го да отстои уште 3-5 недели.