Во времето на останување дома за да се спречи со заеднички сили ширењето на корона вирусот, родителите секој ден се соочуваат со нови предизвици.
Меѓу другото, многумина сега работат од дома и ги наоѓаат најдобрите начини за баланс помеѓу децата и да работата.
Една мајка најде начин да одржи состанок со своите колеги во мир, а благодарение на нејзината одлична снаодливост, таа стана вирална.
Британката Кејт Армстронг-Тејлор, пред важен состанок, на децата им остави порака на вратата со која многу родители во иста или слична ситуација би се поистоветиле.
Пораката беше со апел да не и пречат за време на состанокот, а воедно им понудила на своите деца некои одговори на потенцијалните прашања што може да ги имаат за неа.
Пораката гласи: „Мама е на состанок од 9:30 до 11 часот. Не влегувајте. Одговорот на вашите прашања можеби е тука“.
А, одговорите на предвидливите прашања на најмладите беа: „Не“, „Во вашата соба“, „Парче овошје“, „Не знам што е за вечера“, „На перење“.
Оваа мајка на три деца на возраст од 11, 14 и 16 години, е сигурна дека едно од трите деца би ја прекинало за време на состанокот доколку не ја напишеше пораката.
За среќа, нејзиниот трик функционираше и таа имаше состанок со колегите без прекини, по што на социјалните мрежи објави фотографија од нејзината порака и собра над 30.000 лајкови.
Сигурна сум дека многу родители сега се во ситуација кога во 9 часот наутро одговараат на прашања поврзани со вечерата.
Мојот син ја прочита пораката пред состанокот и рече дека се дадени одговорите на сите прашања, рече оваа мајка, која на крајот потенцираше дека и покрај фактот дека таа одговара на повеќе прашања од кога било досега, ужива да поминува повеќе време со своите деца, сега кога работи од дома.