Како да го декорираме станот во топлата сезона?
Пролетта во нас буди желба за промена, а покрај тоа што же посакаме темелно да го исчистиме станот, веројатно ќе дојдеме и до идеја да го преуредиме просторот во кој живееме, или барем да го надополниме со некој нов мал предмет.
Се разбира, притоа нема да ни пречи и по некоја инспирација.
За да се инспирираме од најновите трендови во дизајнот на ентериер и да ја донесеме пролетта во вашиот дом, ѕирнавме на веб страната на шведскиот бренд ИКЕА и најдовме неколку идеи за реновирање на спалната соба, од кои две најмногу ни се допаднаа.
Поточно, ИКЕА ве советува да внесете топли, пудра и розови нијанси во вашиот простор за релаксирање и спиење.
Комбинацијата на жолта и розова боја изгледа одлично и веднаш го освежува секој простор, а тоа ќе го постигнете со додавање на неколку одбрани детали, постелнина или завеса.
Минималистичкиот бел мебел изгледа одлично со одбрани детали во нежни бои, а најубавиот ефект се постигнува со совршено усогласена боја која се протега од креветот, преку ѕидовите па се до бирото, завесите и декорацијата.
ИКЕА исто така советува да ја уредите вашата спална соба користејќи природни материјали и ткаенини што дишат, светли нијанси, грст цвеќиња кои ќе го издигнат секој ентериер и ќе донесат мир во секој дом, а целосниот впечаток ќе го комплетирате со меки и удобни перници и постелнина.
Моменталната состојба можеби не дозволува да набавиме нови работи и мебел, но можеби е доволно да ги реорганизираме постоечките.
