Индија размислува да се кандидира за организација на Летните олимписки игри во 2032 година, потврди претседателот на Олимпискиот комитет на Индија за германската новинска агенција ДПА.
„Сигурно сме заинтересирани. Работиме напорно и веќе го изразивме својот интерес“, рече Нариндер Друв Батра, претседател на индискиот олимписки комитет.
Според неговите зборови, друга опција е да се обидат да победат на Младинските олимписки игри во 2026 година.
Сепак, пред да аплицираат, кризата со корона вирусот ќе мора прво да се смири.
“Но, прво мора да го победиме новиот вирус корона. Ние допрва треба да се сретнеме со државните власти и да добиеме дозвола од сојузната влада. Откако ќе имаме соодветни лиценци, ќе започнеме повторно да работиме во таа насока”, рече Батра.
Овогодишните Олимписки игри, што треба да се одржат во Токио, се презакажани за следната година поради пандемијата на новиот вирус корона.
Летните олимписки игри во 2024 година ќе ги организира Париз, а во 2028 година најдобрите спортисти ќе се соберат во Лос Анџелес.
Германија и Австралија сè уште размислуваат за организирање на Игрите во 2032 година.
Индија досега двапати организираше Азиски игри (1951, 1982) и еднаш игрите Комонвелт (2010).
Сите три натпревари се одржаа во главниот град Њу Делхи.
Меѓународниот олимписки комитет (МОК) ќе се состане во друг огромен индиски град Мумбаи во 2023 година.