Cafe Del Mar

Крем колач од марципан и сирење – за сладок почеток на денот!

Постојат различни видови чизкејк. Ги сакаме сите, а за вас одбравме еден од омилените: крем чизкејк со марципан.

Состојки за бисквитата:

  • 50гр мелени бадеми
  • 70гр шеќер
  • 30гр брашно
  • 30гр густин
  • 3 јајца (одвоени белки и жолчки)
  • 2 лажици шеќер
  • 60мл сок од портокал
  • 1 лажица рендана кора од 1 портокал (био)
  • ½ лажичка прашок за пециво
  • Прстофат сол

Состојки за кремот:

  • 200гр марципан
  • 750гр младо сирење
  • 150гр шеќер
  • 200гр павлака
  • 4 јајца
  • 1 лажица густин

Подготовка

 1. Загрејте ја рерната на 180 степени и подмачкајте го садот за печење.

 2. За бисквитот измешајте ги брашното, прашокот за пециво, густинот, бадемите и солта.

3. Ставете три жолчки од јајца во друг сад и изматете ги. Потоа постепено додавајте шеќер и доматете ги.

 4. Додадете кора од портокал и сок.

5. Додајте ја мешавината од бадем и брашно.

6. Изматете ги белките и со малку сол и додадете 2 лажици шеќер. Се мати додека не се зацврсти беланецот. Потоа полека додадете го во тестото.

7. Ставете го тестото во сад за печење, печете го околу 12 минути и оставете го да се излади.

8. Подоцна, измешајте ги марципанот,сирењето и шеќерот во мазна смеса. Измешајте ги преостанатите состојки, и посипете ги преку бисквитот.

9. Печете ја тортата уште 50 минути.

10. Оставете да се излади околу 2 часа на собна температура, а потоа ставете го во фрижидер пет часа.

11. Конечно украсете ја тортата по желба.

Напиши коментар