Мојата кујна

Штрудла со џем

Подгответе сочна штрудла со џем.

Состојки

За тестото:

  • 500 гр брашно (тип 500)
  • 250 мл млеко
  • 100 мл масло
  • 2 јајца
  • 1/2 коцка свеж квасец (25 g)
  • 1/2 лажичка сол
  • 5 лажички шеќер

Фил:

  • џем (по избор)

За премачкување:

  • 1 жолчка од јајца
  • неколку капки масло

Подготовка

Измешајте го квасецот во 250 мл млако млеко и додадете лажица шеќер, а потоа оставете го да стаса околу 15 минути. Додадете го квасецот, јајцата, маслото, шеќерот и солта во брашното. Замесете мазно тесто.

Можете да го мешате и со помош на миксер.

Поделете го тестото на два дела(две долги парчиња), покријте го со крпа и оставете 45 минути да се дигне.

Растегнете ги парчињата тесто колку што е можно повеќе, а потоа премачкајте ја целата површина на тестото со џем.

Свиткајте ги во ролат и наредете на подмачкана тепсија.

Премачкајте ги ролните со жолчка од јајце и ставете неколку капки масло во неа.

Печете околу 45 минути на температура од 200 степени.

Испечената штрудла испрскајте ја со малку вода, покријте ја и оставете малку да се излади.

Посипете со шеќер во прав и сервирајте топло.

Напиши коментар