Подгответе го овој едноставен, вкусен десерт и потсетете се на вашето детство!
Сутлијаш е десерт од ориз популарен во многу земји во светот, а ова е најлесниот рецепт за подготовка!
Сутлијашот, како и рижотото, се готви со методот на апсорпција, со често мешање, но вреди да се потрудите затоа што резултатот е неверојатно вкусен!
Состојки:
Чаша ориз
Шест чаши млеко
Половина чаша шеќер
Половина лажичка сол
Две лажички екстракт од ванила
Подготовка:
Во голем сад, загрејте четири чаши млеко со сол и шеќер.
На среден оган, оставете да зоврие, па додадете го оризот и ставете на тивок оган. Со постојано мешање, варете го сутлијашот околу 40 – 50 минути, во зависност од видот на оризот што го имате.
Додавајте го остатокот од млекото малку по малку, и оставете го да се вари, но внимавајте да не загори, затоа е важно оганот да не е премногу силен.
Кога оризот е скоро готов, додадете го екстрактот од ванила.
Сутлијашот може да се послужи со малку цимет, со лажичка од вашето омилено слатко или џем, сушено грозје или додаток по ваш вкус.