Рајски спа центар на Бали

Спа комплексот “Tembok” е дел од рајот на североисточниот брег на Бали. Се наоѓа на спротивната островска страна од интернационалниот аеродром, од кој го дели 3 часа возење со такси низ спектакуларните тропски шуми, преку вулканските полиња и долгите песочни плажи.

Високо над тиркизното море се издига прекрасниот Wantilan ресторанот каде гостите имаат можност да уживаат во спектакуларниот поглед и феноменалната интернационална кујна. Покрај мирната приватна плажа се наоѓа и голем базен. Тука е и современо опремената сала за вежбање и рекреација и секако многубројни простории за спа третмани.

Во понудата се наоѓаат 31 соба, елегантни, луксузни, комфорни и секако со традиционален стил. Секоја од собите представува мал приватен дел од рајот, со мермерни бањи и пространи тераси кој овозможуваат незаборавен поглед на азурното море.