„Како членови на олимпискиот тим сакаме да објавиме дека сме разочарани од потезите на претседателот Јанукович, кој надежите на нашата земја ги претвори во крв, наместо да се обидеше конфликтот да го реши преку преговори. Ние се надевавме дека се ќе биде решено низ преговори, поради тоа и дојдовме во Сочи. Она што се случува во Киев ги крши основните принципи на Олимписките игри“, објавила Мацоцка.
Легендарниот Сергеј Бубка, кој е претседател на Украинскиот олимписки комитет, од спортистите побарал да останат во Сочи за да го покажат единството. Исто така тој истакнал дека го почитува правото на сите спортисти да донесат одлука дали ќе останат во Сочи или ќе си заминат.