ПОТРЕБНИ СОСТОЈКИ:
* Главичка кромид
* 3 чешнина лук
* 500 грама домати
* 2 лажици маслиново масло
* Сол и бибер и шеќер
* 8 кори за лазањи
* 2 црвени пиперки и 2 жолти пиперки
* Малку магданос и мајчина душица
* 300 грама младо сирење
* Морков
* тиквичка
* 80 грама рендан пармезан
НАЧИН НА ПОДГОТОВКА:
Излупете ги и исецкајте ги кромидот и лукот. Измијте ги доматите пресечете ги на половина и изрендајте ги, а лушпата фрлете ја.
Загрејте го маслото и додадете ги кромидот и лукот. Малку пропржете па додадете го доматот. Гответе 10-на минути. Посолете, ставете бибер и малку шеќер.
Во големо тенџере варете ги корите за лазањи 5 минути. Изладете ги со ладна вода и оставете убаво да се исцедат.
Измијте ги пиперките исчистете ги од семките и исецкајте ги на коцки. Иситнете го и магдоносот и мајчината душица. Во посебен сад промешајте го сирењето, зачините и пиперките. Посолете ги и ставете малку бибер.
Тиквичките и морковот излупете ги и исецкајте ги на тенки долги траки.
Преполовете ги по должина корите за лазањи и на секоја трака ставете тиквичка и морков, па потоа од смесата со сирење и пиперка и замотајте ги во ролничка.
Ролните редете ги во плех за печење, прелијте ги со сосот од домати и посипете со ренданиот пармезан.
Печете во загреана рерна на 180 степени околу 25 минути.