Ова е најновиот тренд кога е во прашање шминката и лакот за нокти. Ombre е начин на нанесување со кој употребувате неколку нијанси, така што крајниот ефект е прелевање од посветло кон потемно и обратно.
За да го направите ова потреби ви се две-три бои, сродни, безбоен лак, сунгерче, стапче и пластична подлога. Најпрво намачкајте ги ноктите со посветлата боја. Кога ќе бидете сигурни дека лакот е сув тогаш започнете го нијансирањето. На пластична подлога ставете од двата лака за нокти. Со дрвено стапче измешајте ги и потопете го сунгерчето во лакот. Со него натапкајте го ноктот со движење нагоре-надолу. Кога ќе биде сув лакот премачкајте го со безбоен лак за нокти. Исчистете го вишокот на лак кој го нанесовте на кожата со стапче за уши потопено во ацетон.
