Мојата кујна

Ориз со зеленчук – рецепт за рижото

ПОТРЕБНИ СОСТОЈКИ:

150 грама ориз

1 голема главица ситно сецкан кромид

1 голем морков

4 чешниња лук

1 црвена пиперка

1 жолта пиперка

1 луто феферонче (по желба)

250 грама шампињони

1 лажичка магдонос

вода по потреба

масло за пржење на зеленчукот

НАЧИН НА ПОДГОТОВКА:

Во поширок сад ставете неколку лажици масло и додадете го ситно исецканиот кромид. Пржете додека не омекне кромидот околу 5 минути со повремено мешање за да не загори. Додадете го ситно исецканиот морков и пропржете неколку минути. Исчистете ги шампињоните, помалите пресечете ги на половина, а поголемите на четвртинки. Додадете ги во садот и пржете ги 4-5 минути, додадете ги пиперките и нив испржете ги неколку минути. На крајот додадете го ситно сецканиот лук и испржете ги сите состојки заедно.

Во зеленчукот додадете го оризот и испржете го многу кратко заедно со зеленчукот, и постојано мешајте. Додадете малку вода и варете го додека оризот не стане стаклест и не заборавајте често да го мешате. Варете го на овој начин додека не омекне, обично треба околу 15-20 минути. Додавајте вода по потреба.

Кога рижото е готово послужете го во чинија додадете исецкан магдонос и послужете. Нарендајте пармезан по желба и послужете со зелена салата.

Напиши коментар