Kонцептниот скутер како погон користи целосно електричен мотор кој го движи 48 волтна литиум јонска батерија. Со едно полнење на батеријата кое може да се изврши од стандарден приклучок на електрична мрежа, скутерот може да помине растојание од 100 километри.
За целосно полнење на батеријата потребни се пет часа, а моторот има моќност од 4kW (5,3 коњски сили) и постигнува максимална брзина од 45 км/ч. Од другите технички карактеристики вреди да се спомнат и ABS (anti-lock bracking) системот кој е специјално прилагоден за возило на две тркала, воздушното перниче интегрирано во управувачкиот панел, како и Smartphone системот кој преку телефон поврзан со скутерот ја заменува класичната табла со инструменти прикажувајќи ги сите податоци за брзината, растојанието и нивото на батеријата, а може да се користи и како GPS систем.
