По 95 дена во кома, Михаел Шумахер почнал да се освестува!
Информацијата која денеска ја соопшти менаџерката на Михаел, Сабина Кем, се прошири по светските медиуми со брзина на светлината. Седмострукиот светски првак во Формула 1 покажал значајни знаци на опоравување.
-Михаел покажува охрабрувачки напредок. Има моменти на будење и потврдува дека ќе ја добие оваа долга и тешка битка. Уверени сме во позитивен исход. И понатаму ве молиме за разбирање и не сакаме да навлегуваме во детали со цел да ја заштитиме приватноста на Михаел и со цел лекарите да можат мирно да ја работат својата работа – порачала Кем.