Првите технички детали и фотографии за најмоќната верзија на Mercedes S-Class (освен AMG верзијата) се појавија на интернет, а официјалната премиера е закажана за 13 јануари на автомобилскиот саем во Детрoит.
Според информациите, Mercedes S600 ќе располага со 6.0 литарски V12 мотор кој испорачува 530 коњски сили и има дури 830Nm максимален вртежен момент.
Силата ќе се пренесува преку 7G-Tronic Plus менувачот, забрзувањето од 0-100 ќе биде за 4,6 секунди, а максималната брзина електронски е ограничена на 250 километри на час.
Mercedes S600 ќе се нуди само во верзијата со продолжено меѓуоскино растојание и ќе биде опремен со сите електронски играчки што компанијата ги претстави на новата генерација на S-Class.