Треба да знаете дека интересот кај детето за секс е сосема природна појава предизвикана од биолошкиот часовник. А тој започнува да отчукува не во тинејџерската возраст, туку многу порано.
Вистинскиот момент
Вистински е секој момент кога во детската свест ќе се појави прашањето за потеклото на бебињата или пак мигот кога ќе видите како вашиот наследник се проучува сам себе си. Сексуалното просветлување е непрекинат и долг процес кој започнува заедно со запознавањето на светот во рано детство и продолжува цел живот.
Не измислувајте легенди
Не раскужавјте приказки за штркот и не употребувајте измислени термини – тоа само ќе го збуни детето кое ќе остане со впечатокот дека темата за секс е забраната и срамна, што понатака е честа причина за разни форми сексуални комплекси и проблеми.
Малото дете
Слободно можете да раскажете зошто се гушкате и бакнувате со неговиот татко, дека тоа е еден прекрасен дел од љубовта која се изразува на многу начини. Детето треба да знае дека вие го разбирате и одобрувате неговиот интерес кон сопственото тело и дека тоа е сосема во ред.
Големо дете
Немојте да мислите дека разговорот за секс ќе предизвика излишен интерес и активност. Бидете смирени, грешките во сексот доаѓаат не од сексуалната просветленост, туку токму од незнање.
Важно е тинејџерот да разбере дека при секс дозволува тој некој да допре и да влезе во неговата душа што воопшто не е мала работа. Нека знае дека нема потреба да брза. Дека најпрво треба да се увери во чувствата на човекот до себе.