Британката Шила Кис иако никој не би и дал толку многу, има 62 години и благодарение на здравиот начин на живот и секојдневното вежбање изгледа дупло помлада.
Сепак, таа признава дека овој младешки изглед, исто така, носи и свои проблеми затоа што 20-годишниците секој ден ѝ пишуваат на нејзиниот профил на Инстаграм и ѝ испраќаат пораки, сакајќи да ја запознаат и да се дружат со неа.
„Морам постојано да ги потсетувам младите дека сум доволно стара за да бидам нивна мајка“, вели Кис.
Манекенката и фитнес инструкторка од Бирмингем започна спортски стил на живот кога имаше 30 години, откако го роди своето второ дете, Шенон, која сега има 33 години.
Отсекогаш била заинтересирана за фитнес и сметала дека физичката активност е многу важна за здравјето на умот и телото, така што во нејзините четириесетти години се запишала во теретана и почнала да вежба секој ден. Оттогаш, Кис тренира два часа на ден и шест дена во неделата.
Со текот на годините, таа формираше фантастична линија, на која може да и завидуваат дупло-помлади жени.
Кис во моментов живее во Бали, одбива да држи диета и верува дека не само вежбањето, туку и уживањето во животот е важно за добар изглед.
